കീഴുപറമ്പ്: കീഴുപറമ്പിന്റെ വിവിധ പ്രദേശങ്ങളിൽ വ്യാഴാഴ്ച ഉച്ചയ്ക്ക് വീശിയ ശക്തമായ കാറ്റിൽ നിരവധി വീടുകൾക്ക് മുകളിൽ വീണ മരങ്ങൾ ടീം വെൽഫെയറിന്റെ നേതൃത്വത്തിൽ മുറിച്ചുമാറ്റി. തൃക്കളയൂർ ആലുംകണ്ടി, ആശാരികുന്നുമ്മൽ, മാളികത്തടായി തുടങ്ങി വിവിധ പ്രദേശങ്ങളിലെ വീടുകൾക്ക് മുകളിൽ വീണ മരങ്ങളാണ് മുറിച്ചു മാറ്റിയത്. ടീം വെൽഫെയർ ക്യാപ്റ്റൻമാരായ അബീഷ് കുനിയിൽ, ശിഹാബുദ്ദീൻ കുനിയിൽ, ഷമീർ എ.കെ, നിസാർ അഹമ്മദ്.വി, അഫ്സൽ ബാബു എം.കെ,എന്നിവരാണ് മരങ്ങൾ മുറിച്ചു മാറ്റിയത്. രണ്ടാം വാർഡ് മെമ്പർ പി.കെ മുഹമ്മദ് അസ്‌ലം, കെ.സി അഹമ്മദ് കുട്ടി തുടങ്ങിയവരും പ്രദേശവാസികളും മരം മുറിക്കലിന് സഹായത്തിനെത്തിരുന്നു.
